Një total prej katër futbollistësh të Premier League dhe stafi nga tre klube kanë rezultuar pozitiv për coronavirus në raundin e fundit të testimit. Premier League zbuloi se rezultatet erdhën nga testet e ndërmarra nga gjithsej 1,008 individë këtë javë por kjo nuk do cënojë projektin “Restart”.
Ata që kanë testuar pozitiv, tani do të izolohen për shtatë ditë, sipas protokolleve të ligës angleze. Klubet e Premier League shikojnë 20 qershorin si datën më optimale për rinisjen e kampionatit, por ende ka disa probleme logjistike dhe kalendari që nuk janë zgjidhur. Federata tha se numri i testeve për çdo klub do të rritet nga 50 në 60 për raundin tjetër, i cili do të jetë i katërti nga FA.
92 ndeshjet e mbetura pritet të rifillojnë muajin tjetër me një calendar të ngjeshur por kjo do të votohet në 4 qershor. Premier League pranon që data origjinale e propozuar për rifillimin, pra 12 qershori nuk është më një opsion.
