Demonstratat për vrasjen e George Floyd në SHBA kanë dalë nga kontrolli, duke bërë që të shpallet gjendja e jashtëzakonshme.
Një 19-vjeçar u vra me armë zjarri , ndërsa një gazetar i CNN u prangos nga policia në protestat, për vrasjen e të riut me ngjyrë nga një agjent i policisë në Minneapolis. 19-vjeçari u qëlluan pas një breshërie plumbash në Sheshin Cadillac, ngjarje për të cilën policia ka arrestuar një 17-vjeçar.
Demonstratat kanë nisur në Atlanta, Nju Jork, Detroid dhe në Washington para Shtëpisë së Bardhë, ndërkohë bëhet thirrje që të ngrihen kundër shtetit të gjithë qytetarët, ndërsa Pentagoni, po bën gati ushtrinë raporton CNN.
Në Minneapolis, në qytetin ku ndodhi ngjarje e rëndë, rreth 1.000 njerëz marshuan fillimisht në mënyrë paqësore përgjatë autostradës kryesore, por më pas situata degradoi. Njerëzit filluan të qëllonin me gurë dhe të hidhnin shishe në drejtim të policisë.
Ndërkohë Guvernatori i shtetit të Minesotës, Tim Walc ka shpallur gjendjen e jashtëzakonshme duke urdhëruar ndërhyrjen e Gardës Kombëtare.
Situata u përshkallëzua edhe më shumë pas arrestimit të gazetarit të CNN, Omar Jimenez, i cili më pas u la i lirë. Gazetari u arrestua gjatë një transmetimi live nga vendi ku po zhvillohen protesta në Mineapolis të Shteteve të Bashkuara të Amerikës.
Nga policia u sekuestrua edhe kamera e medias prestigjioze që ishte duke vazhduar xhirimin live edhe gjatë arrestimit. Policia tha se ai është arrestuar pasi nuk është larguar nga edhe pse i është kërkuar një gjë e tillë.k.t/Fjala.al/
