Ministrja e shëndetësisë, Ogerta Manastirliu, përmes një postimi në rrjetin social ka kujtuar sërish të gjithë qytetarët se duke filluar që nga dita e nesërme, 1 qershor, do të hiqen të gjithë masat kufizuese, por sipas saj duhet të vetë-ndërgjegjësohemi për të mos ulur vigjilencën dhe për të zbatuar distancën fizike.
“?? Ja çfarë do të hapet nga data 1 Qershor?
Hiqen kufizimet e lëvizjes në çdo zonë por kërkohet vetë-ndërgjegjësim për të mos e ulur vigjilencën, për të zbatuar distancimin social ↔️ dhe për të ruajtur higjienën vetjake?”, shkruan Manastirliu krahas fotos me planin e masave lehtësuese.
Hiqen kufizimet e orareve për qytetarët dhe bizneset në të gjithë vendin Hapen kufijtë tokësorë, pa detyrim vetë-karantinimi, përveç rasteve kur vendoset nga autoritetet shëndetësore Hapen plazhet vetëm për strukturat akomoduese. Ndërsa me 6 qershor hapen plazhet për të gjithë qytetarët.
Hapen kopshtet dhe çerdhet Hapen, parqet, këndet e lojërave, palestrat, qendrat e interentit. Hapet kampionati, i futbollit, pa spektatorë. Hapen kurset profesionale, edukative, argëtuese, konkurset e punësimit./r.g/fjala.al
