Analisti Mustafa Nano ka analizuar manifestimin e Presidentit Ilir Meta më dy mars të këtij viti për atë që ai e quajti mbrojtje të Kushtetutës. Në emisionin HARD TALK NGA ROLAND QAFOKU, për Grupin Mediatik “FJALA” Nano u shpreh se Meta bëri një protestë impresionante.
-Vijmë te qëndrimi që ka mbajtur presidenti Meta gjatë kësaj kohe, duke qenë një opozitar shuëm i fortë, edhe pse është President i Republikës ka disa qëndrime shumë të forta ndaj Edi Ramës, mazhorancës, në mbrojtje të Kushtetutës thotë ai.
-Si mund të mbash qëndrime partizane në mbrojtje të Kushtetutës, në një kohë kur Kushtetuta e përcakton qartë se Presidenti është simbol i unitetit kombëtar.
-Po kur venë punët çorap, çfarë duhet të bëjë Presidenti?
-Nuk është Presidenti albitri tani. Meta dhe Basha kishin ndërmend ta sabotonin reformën.
-Si e provoni këtë?
-Gjatë gjithë kohës e ka sabotuar. Gjatë gjithë kohës kanë këmbëngulur që kjo është një reform sepse do Edi Rama të marrë sistemin. Ai sot e ka marrë sepse Basha dhe Meta nuk bënë asnjë përpjekje. Nuk shprehën asnjëherë nevojën që ka nevojë rë reformohet sistemi i drejtësisë.
-Në dy mars e tronditi mirë Meta.
-Protestë impresionante ishte po nuk e di, nuk është se impresionohem shumë nga protestat. Nuk më pëlqen tendenca e opinionit publik shqiptar që ka për ta veçuar Metën. Kjo është broçkulla më e madhe. Meta është si gjithë të tjerët. Nëse është veçuar ndonjëherë është veçuar për shkak të pakujdesive të veta, po Meta nuk bën diferencën./Fjala.al/k.b
https://www.youtube.com/watch?v=nOeDjJPISHM
