25 persona janë vënë në pranga nga autoritete, në kuadër të një operacioni kundër një grupi të trafikut të drogës që përbëhej nga shqiptarë dhe italianë.
Operacioni i koduar “Boxes” nisi në 6-7 maj ku u arrestuan 15 persona, ndërsa 3 të tjerë u shpallën në kërkim. Policia italiane ka sekuestruar 400 mijë euro dhe 11 kg kokainë të pastër.
Mediat italiane raportojnë se disa nga drejtuesit e grupit të arrestuar në Lenjano, mbanin pseudonime si “Profesori”, “D’Artanjan”, “Mulo”, “Kojak” dhe “Gjigandi”.
Sipas policisë 105 mijë euro iu gjetën grupit të “Gjigantit”, një shtetas shqiptar resident në Novareze. Ndërsa 120 mijë euro iu gjetën “Mulos”, trafikant që operonte në Turbigo, 60 mijë ‘Profesorit’ dhe 105 mijë euro grupit që kishte si shef “Kojakun”./E.B./Fjala.al