Janë publikuar pamjet e sherrit të bujshëm të futbollistit shqiptar të Osijkut, Eros Grezda i cili goditi me grusht në parkingun e stadiumit, futbollistin kundërshtar Antonio Mirko Çolak.
Bëhet fjalë pas gjysmëfinales së Kupës, Rijeka-Osijek 3-2.
Eros Grezda e ka pritur futbollistin kundërshtar në parkingun e stadiumit për të vazhduar një dialog të lënë përgjysmë dhe pas një konflikti verbal, e godet me grusht. Menjëherë kanë ndërhyrë të gjithë të pranishmit, por Colak ishte gjakftohtë, nisur nga rezultati i marrë dhe serioziteti i gjendjes, nuk ka reaguar.
Tashmë video e sherrit është shpërndarë në mediat kroate dhe për sulmuesin shqiptar ka një “gjyq publik”, me komentet e shumta të tifozëve që nuk e përtypin kurrsesi një sjellje të tillë. Grezda rrezikon një pezullim të gjatë në futboll./E.B./Fjala.al
