Ka përfunduar para pak minutash, takimi i krydemokratit, Lulzim Basha me ambasadorën e SHBA-së Yuri Kim,atë të BE-së Luigi Soreca dhe me ambasadorin britanik Duncan Norman.
Takimi nisi prej orës 15:00 në selinë blu dhe temë e diskutimit ishte reforma zgjedhore. Ky takim vjen një ditë pas dështimit të konsesusit mes palëve për ta mbyllur reformën zgjedhore brenda afatit të 31 majit.
Ende nuk dihen detajet se çfarë i kanë komunikuar diplomatët kryeopozitarit. Mëherët, ambasadorja e Shteteve të Bashkuara në Tiranë, Yuri Kim reagoi përmes një postimi në Twitter e cila deklaroi se nuk duhet të këmbëngulin në gjëra të pazbatueshme dhe vendosjen e kushteve të reja.
Identifikimi biometrik, votimi elektronik, depolitizimi i administratës zgjedhore dhe Kolegji Zgjedhor ishin disa nga pikat e nxehta, ku palët nuk arrinin që të gjenin një formulë të mirëpranuar nga të gjithë./E.B./Fjala.al
