Këshilli Politik për reformën zgjedhore pritet të rimblidhet nesër në orën 11:00 në Pallatin e Kongreseve për të vijuar me diskutimin e çështjeve që ende nuk kanë gjetur dakordësi.
Ky vendim për rinisjen e bisedimeve vjen pas takimit të zhvilluar në rezidencën e Ambasadës Amerikane në Tiranë me ambasadorët Yuri Kim, Duncan Norman dhe Luigi Soreca.
Pas takimit ambasadorët u kërkuan palëve të arrijnë konsensusin sa më shpejt pasi reforma zgjedhore është një prej kushteve për anëtarësimin e Shqipërisë në BE.
Identifikimi biometrik, votimi elektronik, depolitizimi i administratës zgjedhore dhe Kolegji Zgjedhor ishin disa nga pikat e nxehta, ku palët nuk arrinin që të gjenin një formulë të mirëpranuar nga të gjithë./E.B./Fjala.al
“Zgjedhorja”/ Yuri Kim: Nëse s’ka konsesus për pikat e ODIHR, mos vazhdohet më
