Redaktorja e revistës “Vogue” Anna Wintour ka një kërkesë publike për Joe Biden, rivalin e Trump në garën për presidencialet e muajit nëntor: Të zgjedhë një grua me ngjyrë si zëvendës-presidente të tij, duke i bërë thirrje kështu demokratëve që ta peshojnë mirë këtë ide dhe të mendojnë për një kandidaturë të fortë.
Kështu amerikanët do të votojnë më shumë për Biden në zgjedhjet e ardhshme presidenciale. Wintour, një nga gratë më me influencë në industrinë e modës, kryeredaktore e Vogue që prej vitit 1998, thotë se përmes këtij shkrimi ka folur me mijëra amerikanë, të klasës së mesme të vend, të cilët prej 7 ditësh po protestojnë kundër racizmit dhe brutalitetit policor raporton Daily Mail.
“Shenjat e ndarjes, zemërimit dhe kaosit në vendin tonë na kanë thyer.Dhe ne kemi një president të pacipë që duket se është i zoti vetëm të bërë deklarata urrejtje, ndarjeje dhe po i kthen amerikanët kundër njëri tjetrit”-shkruan Wintour në revistën Vogue.
“Joe Biden foli qartë për ndjenjat e tij për vdekjen e George Floyd por duhet të bëjë më shumë se kaq: Duhet të vijojë garën e tij, të ngrejë zërin dhe të bëhet lider i këtij vendi, lideri për të cilin kemi dëshpërimisht nevojë” thotë kryeredaktorja e revistës Vogue. Më herët vetë Biden ka deklaruar se krahu i tij i djathtë në krye të Shtëpisë së Bardhë do të jetë patjetër një grua. Aktualisht ai është në bisedime me senatoren e Minesotës Amy Klobuchar.k.t/Fjala.al/
