Është tërhequr një tjetër gjyqtar nga çështja e të burgosurit përjetë Arben Grori. Ndërkohë pritet që kërkesa e tij të miratohet nga kryetari i gjykatës.
Arben Grori është i dënuar me burgim të përjetshëm për vrasjen e Naim Zyberit, më 1997 në Itali.
Ngjarja:
Naim Zyberi i konsideruar si një nga të fortët e kryeqytetit, rival i Gaz Muçës. Hakmarrja filloi kur Zyberi u akuzua si atentator i Gaz Muçës dhe Artur Grorit.
Pas kësaj Zyberi largohet në Itali, por u ndoq nga i vëllai i Grorit ku ndaj tij u përgatit një atentat në Torino, ku Zyberi mbeti i plagosur rënd dhe për këtë arsye kaloi disa kohë spital.
Gjatë kësaj kohe ndaj tij u përgatit një atentat tjetër nga Arben Grori dhe Gert Gjinarari ku qitës ishte ky i fundit. Zyberi mbeti i vdekur më 6 gusht të 1997.
Gert Gjinarari u ekstradua në Shqipëri në vitin 2014 pasi akuzohet si bashkëpunëtor me Arben Grorin për vrasjen e Zyberit. Por më 14 shkurt të vitin 2019 ai u lirua nga qelia e burgut në Drenovë të Korçës.
Ndërkohë Arben Grori është i dënuar me burgim të përjetshëm për vrasjen e Zyberit, më 1997 në Itali.
Ai ka kërkuar rishikim të vendimit, por deri më tani asnjë gjyqtar nuk e ka shqyrtuar kërkesën e tij, pasi janë dorëhequr./r.g/fjala.al
