Është një efekt domino. Fitimi i Kupës së Italisë hap dyert për Superkupën Italiane dhe grupet e Europa League (pa kaluar raundet paraprake). Pra, teorikisht, janë rreth njëzet milionë Euro në diskutim për skuadra si Milan dhe Napoli, që nëse rrëmbejnë trofeun, do të mbushin arkat më shumë se asnjë tjetër në Serie A.
Çmimi maksimal do drejtohej më së shumti te formacioni jugor dhe kuqezinjtë, pjesëmarrja e të cilëve në kupat e ardhshme evropiane ka të ngjarë të qëndrojë “në suspansë” deri javën e fundit duke pasur parasysh pozicionin e tyre në klasifikimin e Serisë A. Për Juventusin ose Interin, trofeu kombëtar do të nënkuptonte, nga një këndvështrim ekonomik, një përfitim midis 7 dhe 9 milionëm Eurove. Por për ata që dështojnë në renditje, dhe fitojnë kupën, do kishin më shumë benefite.
Falë përfundimit të bllokimit të futbollit nga situata e pandemisë, plotësimi i Kupës së Italisë 2019-20, pa shkurtuar formatin ashtu siç u miratua për periudhën tre vjeçare 2018-21, ka siguruar pjesën më të dukshme të “market pool”, atë që ka të bëjë me të drejtat televizive. Vitet e fundit, interesi për këtë trofe, përtej polemikave për disa ndryshime, është rritur krah për krah me vlerën e tij ekonomike.
