Vdekja e afro-amerikanit George Floyd shkaktoi një ‘uragan’ protestash për keqtrajtimin e njerëzve me ngjyrë nga policia. Por së fundmi një raport i autopsisë së tij tregon se vdekja e Floyd erdhi nga një sulm në zemër dhe jo nga asfiksia, gjithashtu një testim I kryer më 3 prill tregonte se ai ishte pozitiv me koronavirus.
Dokumenti 20-faqesh i lëshuar nga Zyra e Ekzaminuesi Mjekësor të Qarkut Hennepin thotë se një test i Floyd më 3 prill tregonte se ai ishte pozitiv me koronavirus.
Për shkak se ARN mund të mbetet në trupin e dikujt për javë të tëra, thotë autopsia, një test i dytë pozitiv pas vdekjes së tij ka të ngjarë të tregojë që Floyd, 46 vjeç, ishte asimptomatik nga koronavirusi kur vdiq 25 maj.
Qendrat për Kontrollin dhe Parandalimin e Sëmundjeve kanë thënë se një test ARN pozitiv nuk do të thotë se personi është infektiv. Nuk ishte e qartë menjëherë nëse Floyd kishte simptoma në fillim të vitit apo ishte një bartës asimptomatik.
Një ish oficer i policisë në Minneapolis, Derek Chauvin, po përballet me vrasje të shkallës së dytë dhe akuza të tjera pasi ai shtypi qafën e Floyd me gju për tetë minuta ndërsa Floyd ishte shtrirë i prangosur. Floyd u dyshua se përdori një kartëmonedhë të falsifikuar 20 dollarë./r.g/fjala.al
