Presidenti i Republikës, Ilir Meta i ka dërguar një letër kreut të Kuvendit, Gramoz Ruçit në të cilën ka sqaruar kandidaturën e tij për drejtimin e Kontrollit të Lartë të Shtetit.
Në këtë letër Meta ka theksuar faktin se deri në këtë moment atij i janë rrëzuar tre propozime, të cilat sipas tij përmbushnin të gjitha kriteret ligjore për postin në fjalë.
“Të tre këto kandidatura përmbushnin kriteret ligjore dhe gëzonin përvojë të gjerë profesionale”-shprehet kreu i Shtetit.
Emri që Presidenti ka propozuar ditën e sotme është ai i Arben Shehut, për të cilin shprehet se është shumë i përshtatshëm për këtë post.
“Dr.Arben Shehu, kandidat shume i pershtatshem, me përvoje, profesionalizëm dhe me dinjitet. Dr. Arben Shehu është diplomuar jurist dhe është një ndër njohësit më të mirë të së drejtës penale.”-shprehet ndër të tjera Ilir Meta.k.t/Fjala.al/
