Futbollisti i kombëtares shqiptare, Klaus Gjasula ka fituar reputacionin e një “djali të keq” në Bundesligën gjermane, por pavarësisht kritikave dhe shënjestrimit nga arbitrat, mesfushori difensiv, meriton vlerësimet e teknikëve më të njohur. Këtë radhë skuadra e tij Paderborn përballet me lepzig, pretendentin për titull të trajnerit Julian Nagelsmann.
Klaus Gjasula vjen në këtë ndeshje me “rekomandimin” e 15 kartonave të verdhë vetëm në një sezon, por Nagelsmann përpiqet ta marrë lehtë.
“Nuk është se Gjasula i shkel njerëzit me këmbë, por bën faulle të zgjuara dhe taktike. Nuk mendoj se është i keq dhe nuk jam i shqetësuar se do të na çojë lojtarët e Leipzig në spital” tha Nagelsmann për shqiptarin, mbi ndeshjen e së shtunës në 15:30.
Përgjithësisht, trajneri i “Demave të Kuq” ka simpati për Klausin, “luftëtarin” shqiptar. “Më pëlqen sesi sillet në fushë, ka gjithmonë diçka tërheqëse te Gjasula” tha trajneri.
