Kevin-Prince Boateng ka dhënë një mesazh të fuqishëm kundër racizmit, duke iu bërë thirrje futbollistëve për të mbajtur një qëndrim të fortë, sepse beson se shumë prej tyre kanë frikë ta bëjnë një gjë të tillë. në vitin 2013, ai mbahet mend se braktisi fushën në shenjë proteste kur e kishin abuzuar mbi baza raciste gjatë një ndeshje miqësore për Milanin në Itali. Që prej asokohe “Boatëeng” ka veshur “kostumin” e avokatit të lojtarëve me ngjyrë.
Shkëndija për protestën e fundit të Boateng ishte George Floyd, një afro-amerikan 46-vjeçar, që vdiq pasi një polic i bardhë i mori frymën në Minneapolis, ndërsa imazhet amatore bënë xhiron e globit.
“Disa lojtarë kanë frikë të flasin. Racizmi duhet të mësohet në shkolla. Futbolli nuk po bën shumë për këtë fenomen negativ. Një reklamë në TV apo një baner kur ekipet futen në fushë nuk mjafton. Duhet thjesht të zgjohemi nga gjumi”tha Boateng.
