Mesfushori kroat i Realit të Madridit, Luka Modric, ka rrëfyer në librin e tij, se mes qindra episodeve në karrierë, i ka bërë përshtypje, njëri: “Koha kur Mourinho e bëri Ronaldon të qajë”.
Në autobiografinë që ka dalë këtë Qershor, libri “Në mënyrën time”, rrëfen disa ndalesa, në veçanti një grindje midis José Mourinho dhe Cristiano Ronaldo që gati rezultoi në një luftë publike.
“Ne po fitonim në Kupën e Mbretit 2-0, por Ronaldo nuk e ndoqi plotësisht aksionin dhe nuk u angazhua në mbrojtje. Unë pashë José që ishte tërbuar me Cristiano dhe të dy patën një përplasje verbale të gjatë dhe përgjigjet kaluan kufirin” shpjegoi mesfushori kroat.
“Reagimi nga trajneri më la të befasuar. Duke u rikthyer në dhomat e zhveshjes për pushimin mes pjesëve, pashë Ronaldonduke qarë, ishin lotë zemërimi … “Unë bëj çmos dhe ai vazhdon të më kritikojë” tha Ronaldo. Kur hyri Mourinho dhe vazhdoi ta sulmonte Ronaldo verbalisht, aty6 ishte gati të shpërthente një luftë dhe përplasje fizike. Vetëm ndërhyrja e shokëve e shmangu” tha Modric në libër.
Modric kujtoi gjithashtu Real-Juve të Prillit 2018, i cili hyri në histori për penalltinë (faulli i Benatia ndaj Lucas Vazquez) i cili kushtoi eleminimin bardhezinjve dhe provokoi protestat e ashpra të Gigi Buffon kundër gjyqtarit Oliver: “Kur Real Madrid është i përfshirë, protestat gjithnjë forcohen. E vërteta është se penalltia ishte e gabuar dhe më dha keqardhje të madhe kur pashë Buffon të reagonte në një mënyrë të tillë” shkruan Modric. fjala.al
