Modelja dhe aktorja Cara Delevingne ka njoftuar publikisht se ajo identifikohet si panseksuale.
Duke folur për këtë gjë, ajo shpjegoi se më parë ka shmangur përdorimin e etiketave për të përshkruar seksualitetin dhe identitetin e saj gjinor. Problemi tek unë qëndron se unë ndryshoj shumë.
‘Ndihem ndryshe gjatë gjithë kohës. Disa ditë, ndihem më femër. Disa ditë, ndihem më shumë si mashkull.’-u shpreh aktorja raporton The Sun.
Sa për seksualitetin e saj, 27-vjeçarja tha: Unë gjithmonë do të qëndroj, mendoj si panseksuale. Sido që ta përkufizosh veten, ai ose ajo e vërteta qëndron në faktin se un në bie në dashuri me personin. Unë jam tërhequr nga personi.
Delevingne bashkohet me një mori të famshëm dhe figura publike, të cilët identifikohen si panseksualë, duke përfshirë këtu Miley Cyrus dhe deputetin Liberal Demokrat Layla Moran.
Pra, çfarë është panseksualiteti?
E thënë thjesht Panseksualiteti është tërheqja emocionale, seksuale ndaj personave pavarësisht seksit ose gjinisë së tyre.Personat panseksual identifikohen si gender-blind pra ”të verbër” ndaj gjinisë, duke lënë të nënkuptuar se gjinia dhe seksi nuk janë faktor përcaktues në tërheqjen seksuale dhe emocionale ndaj të tjerëve.
Panseksualiteti mund të konsiderohet si orientim seksual më vete ose si një nëndegë e biseksualitetit, për të treguar një identitet seksual. Meqenëse personat panseksual janë të hapur për lidhje me persona që nuk identifikohen as si djalë, as si vajzë, kjo tregon se panseksualizmi e hedh poshtë dikotominë vajzë/djalë të gjinisë. Panseksualiteti si term është më gjithëpërfshirës sesa biseksualiteti. Mirëpo në komunitetin e biseksualëve ende debatohet nëse termi panseksual është më gjithëpërfshirës krahasuar me termin biseksual.
Delevingne mendon se kjo etiketë përshkruan më së miri seksualitetin e saj, dhe ndihet shumë mirë që është e shkëlqyeshme që ajo ndihet e aftë ta ndajë atë me botën.
Personazhe të tjerë publikë që kanë dalë si panseksualë përfshijnë Janelle Monae, Brandon Urie, Bella Thorne, Christine dhe Queens dhe Joe Lycett.k.t/Fjala.al/
