Këngëtarja e njohur, Tuna Sejdi me origjinë nga Maqedonia e ka kaluar karantinën së bashku me të shoqin dhe djalin e saj në Prishtinë. Së fundi me heqjen e masave të izolimit këngëtarja ka udhëtuar drejt Shkupit për tu takuar me familjarët.
Këtë e ka bërë të ditur vetë këngëtarja përmes një postimi në Instastory. Tuna teksa ka fotografuar kufirin në Bllacë ironizon përhapjen e gjerë të Covid-19 në Maqedoni.
‘Erdha me mar koronën se kish me shumicë në Shkup’., shkruan këngëtarja.
Ndërkohë në Maqedoninë e Veriut numri i përgjithshëm i të infektuarve ka shkuar në 2.611, nga të cilët 1.621 janë shëruar ndërsa vazhdojnë të jenë aktivë 843.
Rritja e numrit të të infektuarve ka bërë që nga dita e enjte të rikthehen masat e ndalimit të plotë lëvizjeve në Shkup, Tetovë, Kumanovë dhe Shtip.
Në këto qytete ndalimi i lëvizjes do të nisë nga ora 21:00 deri të hënën në orën 05:00, ndërsa në qytetet tjera do të ketë regjim më të lehtë të ndalimit të lëvizjes./r.g/fjala.al
