Qeveria Avdullah Hotit ka vendosur tw shfuqizojë vendimet paraardhësit Albin Kurti për masat e reciprocitetit me Serbinë. Sipas Hotit, ky vendim është marrë për të bërë të mundur rifillimin e procesit të dialogut midis dy shteteve. Ai shtoi se pret të njëjtën lëvizje edhe Serbia.
“Dje kemi miratuar programin e qeverisë. Kemi miratuar programin e organizimit të qeverisë në përputhje me besimin e deputetëve të Kuvendit. Kemi hequr pengesat për procesin e dialogut, zotim ky që e kemi dhënë përpara partnerëve tanë. Tani presim që edhe pala serbe të heq pengesat që të filloj dialogu me Serbinë”, ka thënë Hoti.
Hoti tha se janë të gatshëm që të ulen në tavolinë për dialogun Kosovë-Serbi, mirëpo siç tha ai dialogun do ta udhëheq Qeveria e jo Presidenca.
“Jemi të gatshëm të ulemi në tavolinën e dialogut. Kryeministri në bazë të kompetenvace kushtetueses e udhëheq dialogun. Edhe nëse unë dua nuk mund t’i transmetoj kompetencat e mia tek presidenti. Qeveria udhëheq dialogun dhe raporton tek Kuvendi”, ka thënë ndër të tjera Hoti.
Qeveria sot ka shfuqizuar vendimin e datës 20 mars 2020, të qeverisë së kaluar Kurti për zbatimin gradual të reciprocitetit me Serbinë dhe vendimin e datës 30 maj 2020, për plotësim ndryshimin e vendimit të parë për këtë masë.
Kundër këtij vendimi kanë votuar përfaqësuesit e AAK-së në Qeveri.
-Heqja e reciprocitetit/ Vuçiç: Vendim i mirë. Kurti: Shërbim që as Beogradi nuk e mendonte
-Osmani i kthehet Hotit: Hoqe dorë për ta trajtuar Kosovën si të barabartë
