Kreu i PD-së, Lulzim Basha vijon takimin e tij me sipërmarrësit e vegjël për të diskutuar me ta për krizën ekonomike në të cilën ndodhen në këtë kohë pandemie dhe për t’u prezantuar planin e forcës së tij politike për ekonominë.
Sot, kryeopozitari ka qenë i pranishëm në qytetin e Elbasanit, ku bizneset i janë ankuar se qytetarët nuk blejnë më dhe për pasojë ka rënë xhiroja në masën 50 %. Madje ankesa mori dhe se bashkia e Elbasanit u kërkon taksat që nga qeveria u lajmëruan me bujë si të falura.
Pas takimeve, Basha përmes një reagimi në rrjetet sociale hodhi sërish akuza ndaj kryeministrit Rama se ka shkatërruar ekonominë, ka varfëruar qytetarët dhe po falimenton biznesin e vogël. Sipas tij, vëmendja e PD-së është te ekonomia pasi është jetike garantimi i një jete normale për të gjithë shqiptarët.
Kryedemokrati shprehet i bindur se do dalë fitues në zgjedhjet e ardhshme.
Postimi i plotë:
Në Elbasan si kudo në Shqipëri, RAMAVIRUSI po e shkatërron ekonominë, ka varfëruar qytetarët dhe po falimenton biznesin e vogël.
Sipërmarrësit e vegjël në Elbasan vuajnë mungesën e ndihmës, si gjatë dhe pas pandemisë. Faturat e larta të energjisë dhe të ujit, tatimet dhe taksat lokale po i detyrojnë bizneset e vogla të ulin qepenat dhe të shtojnë radhët e të papunëve.
Vëmendja jonë është dhe do të mbetet tek ekonomia. Sepse për ne është jetike garantimi i një jete normale për të gjithë shqiptarët. Ne do t’i fitojmë zgjedhjet me shqiptarët e për shqiptarët në mënyrë që me planin tonë të ndërtuar bashkë me shqiptarët t’i japim zgjidhje krizës së rëndë ekonomike të krijojmë mundësi për punë e mirëqënie e t’ua kthejmë Shqipërinë, shqiptarëve.
/E.B./Fjala.al
https://www.facebook.com/lulzimbasha.al/posts/3226209187430240?__xts__[0]=68.ARBh5eWEbmMbvZnZQnpIEeMgRjeqsOCLrz-8s5Vm1grCDqqdTqIMEGqd4V67h-8IXDGUn-4gwes8VmmRkgNONGtCTye31TytNAzZt86qjxzzlkve0rZxif_SIzbHZRxSfB4x1osztdyr3sywhRk1qa8uFQGPreRY5EEQXlFCzbFTpIXSOb7mZfVLtTgzuT_R1Io1jj3a3ftKo9RZWRGsw7Kbg_yQkjdeG1QUjMwblATT2toR9SBIb8Fodd1l-YPRfc8Ma5PdmS18WaH10jvnZx0eQyHCauKxHZj3FR4q37ctAZikxlAhQiiPx8x3ipuLCmXVnPMTmwh6S0It35kf2fH8uQ&__tn__=-R
