Ibsen Elezi mban emrin e dramaturgut të njohur norvegjez Henrik Ibsen. I apasionuar pas letërsisë, babai i Elezit vendosi t’i jepte emrin e dramaturgut dhe filozofit Ibsen. Për emisionin HARD TALK NGA ROLAND QAFOKU, Ibsen jep detajet nga kjo histori.
-Tani më hiq kuriozitetin. Emri juaj që është emri i një shkrimtari norvegjez, Henrik Ibsen, çfarë lidhje ka?
-Kam dy interpretime për këtë. Kur më bënë drejtor arsimi, vij në Tiranë dhe një drejtor aty në ministri më thërriti Hysen. I thashë “ Më fal po ti nga e di që e kam pasur emrin Hysen?” Tha “Po ma mori mendja”. Ndërsa e vërteta është që në vitin 1973 kur është regjistruar emri në regjistër, në Belsh ka qenë kjo, sepse familja ime ka qenë e internuar në Belsh. Emrin ma ka vënë im atë dhe ma ka shpjeguar shumë vonë. Për shkak të Henrik Ibsenit që ka qenë dramaturg, filozof. Veprimtarinë e tij letrare e ka pasur në Itali, dhe është bërë i madh sepse ka vënë në pah fenomene që kanë ndodhur në elitën politike dhe fenomenet e degradimit që po ndodhin sot. Për ta regjistruar emrin ka qenë i detyruar ta argumentonte se Ibsen ka qenë emër ilir. Është detyruar të gënjejë./Fjala.al/k.b
https://www.youtube.com/watch?v=jA3Q9ChuErI
