Sulmuesi i skuadrës së Arsenal, Pierre-Emerick Aubameyang u ka dhënë fansave të Gunners një pasqyrë të jetës së tij të luksit. Futbollisti i skuadrës londinezëe mikpriti rrjetin MTV për një tur të thelluar rreth shtëpisë së tij mahnitëse, duke treguar dhe dhomën e madhe të lojërave të fëmijëve, e madje dhe atë të lojërave të tij elektronike.
Futbollisti nga Gaboni, lejoi kamera në shtëpinë e tij në episodin e fundit të MTV Cribs. 30-vjeçari u dha shikuesve një pamje unike të prapaskenave në jetën e tij në shtëpi – dhe zbuloi se fëmijët e tij nuk janë të përjashtuar nga mentaliteti i tij fitues as gjatë ndeshjeve të vogla në kopsht, kur nuk ka rëndësi fitorja.
Turi për shikuesit e MTV filloi me sallën e madhe të lojërave të fëmijëve të tij, Curtys dhe Pierre. Ai me shaka e përshkroi hapësirën, si ‘dhoma më e çmendur në shtëpi’. ‘Mbaj mend kur isha i ri nuk kisha shumë hapësirë. Unë jam një djalë që dëshiron më të mirën për ta, kështu që përpiqem t’u jap atyre sa më shumë hapësirë ‘ tha sulmuesi i Arsenal.
Pjesë e banesës luksoze të futbollistit, është dhe një dhomë lojërash elektronike ku ai kalon orë të tëra, në veçanti me turne virtual ku ndeshet me lojtarët e tjerë të Arsenal, Mesut Ozil dhe Sead Kolasinac.
Pamjet e MTV u zhvendosën edhe në kuzhinën luksoze dhe moderne të yllit të ish-Borussia Dortmund. Nëna e tij e dashur Margarita u prezantua, përpara se Aubameyang të zbulonte sasinë e madhe të produkteve në frigoriferin e tij. “Pa gjithë këtë ushqim nuk mund të jem një superhero apo superstar,” tha Aubameyang.
