Një 56-vjeçar është arrestuar nga policia e Bulqizës, pasi mbante armë zjarri dhe municione luftarake në banesë.
Pas hekurave ka përfunduar shtetasi R. R., banues në fshatin Tërnovë, Bulqizë.
Sipas burimeve zyrtare, gjatë kontrollit të ushtruar nga uniformat blu në banesën e këtij shtetasi, janë gjetur: një kallashnikov, tri arka metalike me 600 fishekë, 19 kapsolla elektrike, 280 kapsolla detonatorë dhe 110 m fitil zjarrpërcjellës.
Materialet procedurale do t’i referohen Prokurorisë së Rrethit Gjyqësor Dibër, për veprën penale “Armëmbajtja pa leje”, për të cilën parashikohet dënimi me burg deri në 7 vjet./E.B./Fjala.al
