Kritiku dhe poeti i njohur Drago Siliqi i cili u nda nga jeta 57 vite më parë si pasojë e një aksidenti ajror sot do të festonte 90 vjetorin e tij të lindjes.
Qendra Kombëtare e Librit dhe Leximit do ta kremtojë këtë 90-vjetor në një aktivitet të posaçëm gjatë vitit 2020, për të nderuar kujtimin e një autori që vijon të jetë po aq bashkëkohor dhe sot.
Ishte 13 korrik i vitit 1963 kur një avion i nisur nga Pekini do të humbte në afërsi të aeroportit të Irkutskut, në Siberi.
Mes pasagjerëve ndodhej dhe kritiku dhe poeti Drago Siliqi. Ishte vetëm 33-vjeç. Ikja e tij ishte një humbje për letërsinë shqipe, e cila përgjatë gjithë rrugëtimit të saj do ta kujtojë gjithnjë kontributin e tij të çmuar në ide e vargje.
Më poshtë QKLL-ja sjell edhe disa vargje të mikut të tij të ngushtë, shkrimtarit Ismail Kadare për këtë humbje.
“Ti kaq’ e deshe këtë tokë
S’do mund të ecësh më në të
Je nisur të vish e s’ke të sosur
N’udhëtim na mbete përgjithnjë”./b.b/fjala.al
