Princi Filip, Duka i Edinburgh, do ta kalojë ditëlindjen e tij të 99 në izolim dhe urimet do ti presë vetëm përmes video-telefonatave, teksa bashkë me mbretëreshën vijon të qëndrojë në izolim për shkak të pandemisë.
Princi Filip mbush nesër plot 99 vjeç dhe këtë ditëlindje do ta festojë në kushte krejt të veçanta, me gruan që ka pasur në krah pjesën më të madhe të jetës së tij.
Eksperti mbretëror Robert Lacey, autor i biografive të shumta të familjes mbretërore dhe vetë mbretëreshës Elizabetë, thotë se princi kënaqet edhe me një telefonatë të gjatë me nipërit e stërnipërit e tij raporton Daily Mail.
Edhe Ministria Britanike e Mbrojtjes theksoi se në nder të monarkut nuk do të ketë as shtënie me top.
“Princi ka qenë gjithnjë kështu, nuk ka dashur zhurmë të madhe por është mjaftuar me familjen pranë tij” thotë Robert Lacey.
Prej 3 muajsh, çifti mbretëror qëndron i izoluar në kështjellën Winsdor, shkëputja më e gjatë kjo e mbretëreshës Elizabetë nga aktivitetet dhe angazhimet zyrtare.
Edhe për ditëlindjen e princit, stafi ka një agjendë zyrtare: pas mesditës Filip do të drekojë si çdo ditë me Elizabetën dhe më pas do të marrë urimet përmes videos të birin, princin Charles dhe Kamilën, me Kate William dhe 3 fëmijët e tyre dhe në fund me princin Harry dhe të shoqen Meghan.k.t/Fjala.al/
