Kryetarja e LSI-së, Monika Kryemadhi ka treguar arsyet pse forcës politike që ajo drejton i leverdis të hyjë në zgjedhjet e ardhshme me Edi Ramën kryeministër.
Sipas saj qytetarët do të shkojnë në zgjedhje dhe do të votojnë kundra tij.
“Ne si LSI jemi kategorikisht kundër financimit publik. Propozuesit përdornin logjikën se buxheti është më i kontrollueshëm. Nëse unë do të shkoj në zgjedhje me Edi Ramën kryeministër, probabiliteti për të shkuar drejt votimit është më i madh, pasi njerëzit do të shkojnë të votojnë kundër tij. Ndaj mua më leverdis prania e tij. Jemi vetëm 10 muaj larg zgjedhjeve, jemi shumë vonë sa i përket angazhimit. Çdo parti është shumë vonë me përgatitjet”, tha Kryemadhi në “Real Story”./E.B./Fjala.al
