Është koha e Kupës së Shqipërisë një nga objektivat sezonal të Kukësit, por në formacionin verilindor, ende ëndërrojnë për titullin. Distanca me Tiranën është e rikuperueshme, dhe Blutë do të bëjnë të pamundurën të ndërrojnë vendet, deri javën e fundit me kryeqyteasit. Zëvendëstrajneri Rraman Hallaçi, ish futbollist i klubit vlerësoi Apoloninë, rivalin për çerekfinalet e Kupës së Shqipërisë, por shtoi se do bëjnë të pamundurën për kampionatin.
“Kemi ndeshjen e Kupës, një trofe që është objektiv sezonal por i pari është kategoria Superiore, kampionati. Është një distancë e shkurtër me Tiranën, por ne do të vazhdojmë deri në sekondën e fundit për titullin kampion. Nuk do të dorëzohemi” tha Hallaçi. Ndeshja me Apoloninë luhet nesër duke nisur nga ora 17:00 në stadiumin “Loni Papuçiu” të Fierit.
Tirana kryeson me 59 pikë, 9 më shumë se Kukësi në kampionat. Ndeshjet e radhës për pretendentë janë Kukësi-Flamurtari, dhe Teuta-Tirana.
