“Përsa kohë nuk kemi pritshmëri nga Rama, nuk ndjehemi as të tradhtuar as të dashuruar”. Kështu u shpreh deputeti i opozitës parlamentare Halit Valteri i ftuar në emisionin “Arena”.
Valteri u shpreh se marrëveshja mes PS-PD-LSI për reformën zgjedhore nuk ka asnjë vlerë.
Fjala e plotë
Përsa kohë nuk kemi pritshmëri nga Rama, nuk ndjehemi as të tradhtuar as të dashuruar. Por për herë të parë pazari i firmosur në anglisht, që çdo herë e kemi parë në shqip, u pa një kontratë në anglisht, i noterizuar nga 3 kancelarët e vendeve më të fuqishme që kanë ndikim në Shqipëri, u bë për t’i thënë opozitës jashtë parlamentare, që gjithë vrulli që keni marrë, lufta që keni bërë këto 7 vjet opozitë u tha që as nuk janë vjedhur vota, as nuk është bërë asgjë në kurriz të shqiptarëve, por hajde të shkojmë në zgjedhje dhe të futeni jashtë sistemi. Ajo letër bakalli e firmosur në anglisht nuk ka asnjë vlerë.
Bo.Ba/fjala.al
