Një grua ka treguar transformimin e saj të jashtëzakonshëm pasi humbi plot 88 kg.
Simone Anderson nga Zelanda e Re është bërë frymëzim dhe sensacion në rrjetet sociale, pasi arriti të humbasë 88 kg për 6 vite, pasi nisi sfidën e saj në 2014. Ajo humbi më shumë se gjysmën e peshës së saj të mëparshme përpara se ti nënshtrohej më pas edhe operacioneve të nevojshme për heqjen e lëkurës së tepërt.
Sot 29 vjeçarja rrëfen udhëtimin e saj të vështirë. Pasi postoi në Instagram një foto të 6 viteve më parë, ajo e përshkruan sfidën e saj me veten si një ndjesi sur-reale.
Por cili ishte sekreti i saj: “20 minuta ecje çdo ditë. Ushqim i shëndetshëm dhe heqje dorë nga 99% e ushqimeve që konsumonte çdo ditë”.
Tashmë stërvitja është kthyer në një rutinë të përditshme, Simone konsumon vetëm peshk dhe mish të bardhë dhe bëhet çdo ditë e më e fortë ndërsa tregon se tashmë armën më të fortë ka besimin.
“Pesha ime nuk e ka përcaktuar kurrë vlerën time si njeri. Unë jam po e njëjta Simone, vetëm ndryshova stilin tim të jetës” thotë 29 vjeçarja, e cila të njëjtin mesazh e shpërndan edhe për të rinjtë mbi peshë.
Momentin më të vështirë në 6 vjet, Simone veçon operacionin që zgjati 9 orë për heqjen e lëkurës së tepërt, mbetur pas dobësimit.
