Shënohet një tjetër viktimë e infektuar me koronavirusit në vend. Në spitalin Infektiv paraditen e sotme ka gjetur vdekjen një paciente rreth 81 vjeç.
Pacientja ishte e shtruar tek reparti i sëmundjeve të brendshme, ku dhe është infektuar.
Mësohet se ajo ishte e shtruar bashkë me të shoqin tek spitali Infektiv, pas transferimit nga reparti i sëmundjeve të brendshme, i cili pak ditë më parë u kthye në një vatër koronavirusi.
Dyshimet e para për vdekjen e të moshuarës ishin se ajo mund të kishte vdekur nga Covid-19 pasi ishte e infektuar.
Por Minsitria e Shëndetësisë informoi se 81 vjeçarja ishte asimptomatike dhe se ndërroi jetë nga insuficienca e disa organeve.
81-vjeçarja vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma.
Sot është dita me numrin më të lartë të rasteve të reja. Në 24 orët e fundit janë kryer 311 testime nga të cilat janë konfirmuar 42 raste pozitive.
Numri i përgjithshëm i të infektuarve ka shkuar në 1341./Bl.Ba/Fjala.al
