Nuk ishin të paktë ata shqiptarë që mendonin dikur që Sali Berisha dhe Fatos Nano ishin e keqja e këtij vendi. Madje thuhej se kur të zëvendësoheshin ata, politika në Shqipëri do qetësohej. Në emisionin HARD TALK NGA ROLAND QAFOKU, Taulant Balla u shpreh:
-Zoti Balla, në këto 30 vjet ne kemi një ndërrim të brezave të politikanëve. Ne kishim dy politikanë, dy bigët, dy dinosaurët e politikës shqiptare, Sali Berishën dhe Fatos Nanon. Ata nuk janë më në forumet drejtuese, madje Fatos Nano është larguar fare dhe ne kemi një brez të dytë, Lulzim Bashën dhe Edi Ramën. Si ka mundësi që Shqipërisë nuk i është hequr ky tensionim i situatës që për çdo gjë në politikë ne patjetër duhet të kemi një mosmarrëveshje?
-Fatos Nano ka qenë një politikan sa socialist po aq edhe liberal në aspektin e jetës politike, të promovimit të vlerave të reja në politikë, dhe të çmilitarizimit të politikës. Kujtoj këtu një shprehje të Fatos Nanos në një përballje me njeriun që e kishte burgosur politikisht për 4 vjet, i tha që “Ato që ke bërë ti ndaj meje, unë nuk do ta bëja kurrë ndaj teje.” Fatos Nano dhe Sali Berisha i përkisnin dhe i përkasin dy botëve krejtësisht të ndryshme dhe në të nëjtën trajektore shumë progresiste ka ecur edhe lidershipi i PS me Edi Ramën. Edi Rama ka tërësisht meritën për të krijuar një frymë të re politike në Shqipëri. Përsa i përket trazimeve të brendshme dua t’iu them që shpesh herë dëgjoj nga ju gazetarët që mundoheni të ekuivalentoni qasjet tona në opozitë me qasjet e opozitës aktuale. Në asnjë rast PS nuk ka bërë thirrje për dhunë. /Fjala.al/Ke.Ba
https://www.youtube.com/watch?v=8EWvDEX2UkE
