Fansat janë ende të shokuar nga lajmi i publikuar mbrëmjen e të mërkurës, kur reperja Iggy Azalea pranoi më në fund se “PO”, është bërë nënë e një vogëlushi disa javë më parë.
Njoftimin, këngëtarja australiane e bëri përmes një postimi në Instagram, duke lënë fansat gojë-hapur e duke i dhënë fund thashethemeve në rrjet. Por 30-vjeçarja nuk përmendi mes rreshtave babain e fëmijës, në qoftë se bëhet fjalë apo jo për reperin Playboi Carti, edhe pse ditët e fundit janë shtuar zërat se çifti është fejuar.
Në reagimin e parë zyrtar, Iggy shkruan: “Kam një djalë. Po prisja për momentin e duhur por teksa koha kalonte, kuptova se po ndjeja ankth gjithnjë e më shumë për ta ndarë këtë lajm gjigant me botën. Dua që jeta e tij të mbetet private por doja të qartësoja se ai nuk është sekret dhe unë e dua më shumë nga sa mund ta shpreh me fjalë”.
Për herë të parë, mediat raportuan për një shtatzëni të mundshme të këngëtares në dhjetor të vitit të shkuar por askush nuk i pohoi e as nuk i mohoi këto lajme. 1 muaj pas lindjes së djalit, Iggy Azalea vendosi ta konfirmojë këtë lajm, pas zhurmës së madhe mediatike.ka.ta/Fjala.al/
