Situata e krijuar nga koronavirusi ka shkaktuar një sërë pasojash në botën e futbollit, ku përfshihet edhe largimin nga stadiumet të personave të apasionuar pas këtij sporti, siç është edhe rasti i mbështetësve të Lushnjës.
Një ndeshje në “Roza Haxhiu” gjithmonë ka përcjell tjetër emocion nga çdo përballje tjetër në futbollin vendas dhe kjo vetëm falë mbështetësve të këtij ekipi, që madje i kanë dhënë qytetit emrin “Toka e tifozëve”, ndonëse në grupime të ndryshme. Disa nga tifozët më të njohur të skuadrës lushnjare janë “Ultras Delegatët”, “Çunat e Ypsilonit” dhe “Ultras Karbunara”.
Ndonëse lushnjarët janë aq të dashuruar pas futbollit dhe ekipit të qytetit të tyre sa kanë bërë veprime nga më të veçantat siç ishte udhëtimi në këmbë për në Fier, Berat, Kuçovë, Durrës, Kavajë si dhe në qytete të tjera, tashmë do të detyrohen që mbështetjen ta ofrojnë duke i ndjekur ndeshjet nga shtëpitë e tyre, fizikisht larg, por me shpirt e zemër pranë ekipit të tyre.
Megjithatë duhet theksuar se ndërsa skuadra ka uljet e ngritjet e saj, mbështetësit lushnjarë vijojnë të mbajnë traditën dhe të ruaj me fanatizëm faktin pse janë quajtur “toka e tifozëve”. “Delegatët” e Lushnjës tashmë kanë mbi 8 vite që janë krijuar dhe vazhdojnë të ndjekim me po të njëjtin zell skuadrën e tyre dhe pas normalizimit pritet të japin të njëjtën përkrahje./Fjala.al/Katerina Tafa/
