Kur gjysma e futbollit botëror po stepet për të rinisur ndeshjet edhe pa praninë e tifozëve, presidenti i FSHF-së kërkon stadiumet plot. Armand Duka shprehu bindjen se institucioni që ai drejton ka kapacitete për të përballuar sërish tifozë në shkallët e impianteve, me një ndeshje në veçanti, Partizani-Tirana.
Por si do të ndodhte kjo? Në derbi ka një interesim të jashtëzakonshëm edhe në situata normale, por kriza e pandemisë, do çonte në reduktim me të paktën 3/4 të kapacitetit. impianti ideal do të ishte “Air Albania Stadium”, që është edhe më moderni dhe ai me hapësirën më të madhe, për të respektuar distancimin social.
Por Armand Duka e pranon se gjithsesi për një derbi me tifozë, në 12 Korrik, “Topi” është në fushën e qeverisë. Kryeministri Rama do të ketë fjalën e fundit, por duke parë rastet e shtuara me coronavirus, duket një utopi derbi i kryeqytetit me prezencë masive në shkallët e stadiumit.
