Deputetja Rudinja Hajdari ka deklaruar se nëse nuk do të kishte marrëveshje për kodin e ri zgjedhor, mund të kishte luftë civile.
Gjatë një interviste për “Abc News”, ligjvënësja shqiptare tha se ishte pikërisht frika prej një lufte civile shkaku që është një prej firmëtarëve të asaj marrëveshjeje. Më tej, ajo ka shtuar se në atë tryezë ka parë që individët të dalin jashtë karakterit.
“Ka pasur tone të larta nga të gjitha palët, edhe nga ambasadorët. Sepse marrëveshja ishte e rëndësishme. Nëse nuk arrinim të bënim këtë marrëveshje mund të kishte luftë civile, shtatori do vinte, gjërat mund të radikalizoheshin. U diskutua që Maqedonia e Veriut të merrte statusin, ne te mbeteshim të izoluar…Lufta Civile ishte gjë që qarkullonte në ajër, nuk u tha drejtpërdrejtë. Protestat mund të japin efekte shumë negative ndaj vendit tonë. Prandaj unë jam firmëtare në atë marrëveshje. Kam parë shumë gjëra në atë tryeze, kam parë individë që të dalin jashtë karakterit të tyre. Por e shikoja që e kishin të pamundur që të flisnin në nivelin njerëzor. Të kishin një sens kompromisi mes tyre,” u shpreh më tej Hajdari./E.B./Fjala.al
