Ministrja e Mbrojtjes, Olta Xhaçka ka bërë me dije sot se për gjithë të rinjtë që janë të sapodiplomuar dhe duan të futen në Forcat e Armatosura ka kriteret që duhet të plotësojnë.
Xhaçka ka theksuar se aplikimet pranohen deri më 17 korrik dhe ka disa kritere si dhe një formular vetëdeklarimi me të cilin aplikohet për në Forcat e Armatosura.
Në postimin në “Facebook” të ministres së Mbrojtjes thuhet se të gjithë ata që që kanë përfunduar çdo fakultet dhe janë jo më shumë se 26 vjeç kanë të drejtë të aplikojnë. Përjashtim bën Fakulteti i Mjekësisë dhe pranohen ata që janë jo më shumë se 31 vjeç.
Postimi i Olta Xhaçkës:
Forcat e Armatosura kanë nevojë për profesionistë të rinj! ??
Ke përfunduar Fakultetin Juridik, të Shkencave Sociale, të Inxhinierisë Elektronike, Ekonomik, të Inxhinierisë së Ndërtimit, të Inxhinierisë Navale, Inxhinierisë Mekanike, Gjeoinformatikë e Gjeografi apo çdo fakultet tjetër dhe je jo më shumë se 26 vjeç?
Ke përfunduar Fakultetin e Mjekësisë dhe je jo më shumë se 31 vjeç?
Forcat e Armatosura janë një alternativë e jashtëzakonshme për çdo të sapodiplomuar.????
Plot 60 të rinj që kanë një diplomë bachelor, do mund të titullohen oficerë dhe të kenë një karrierë të sigurt në Forcat e Armatosura pas përfundimit të kursit 1-vjeçar.
Në linkun më poshtë gjeni gjithë informacionin dhe kriteret e nevojshme:
?https://bit.ly/2Ys2b3x
?Kujdes, aplikimet pranohen deri më datë 17 korrik 2020!ka.ta/Fjala.al/
