Presidenti i Shqipërisë, Ilir Meta ka kujtuar sot në ditën e 21-vjetorit të çlirimit të Kosovës personat që dhanë jetën për vendin e tyre.
Në një postim në rrjetet sociale, Meta shprehet mirënjohës ndaj NATO-s dhe Shteteve të Bashkuara të Amerikës për kontributin që dhanë në çlirimin e Kosovës, ndërsa rikujton edhe veprën e lavdishme Presidentit historik Ibrahim Rugova dhe Komandantit legjendar Adem Jashari.
“Sot, në 21-vjetorin e Çlirimit të Kosovës, kujtojmë me nderim të jashtëzakonshëm jetën dhe veprën lapidare të Presidentit historik Ibrahim Rugova dhe Komandantit legjendar Adem Jashari, djemtë dhe vajzat e UÇK-së, si dhe dhjetëra e mijëra Heronj e Dëshmorë që dhanë jetën për Kosovën Republikë, në paqe, të lirë, të pavarur, sovrane dhe demokratike, me orientim të qartë perëndimor, në bashkëpunim e fqinjësi të mirë me të gjithë në rajon.
Përjetë mirënjohës dhe falenderues për NATO-n dhe Shtetet e Bashkuara, që çështjen e lirisë së Kosovës, e bënë çështje të dinjitetit të tyre! ??❤️??”, shkruan Meta.ka.ta/Fjala.al/
https://www.facebook.com/ilirmetazyrtar/videos/614769412464841/
