Janë publikuar pamjet e atentatit të mbrëmjes së djeshme ndaj 40-vjeçarit Hekuran Billa në zonën e “Komunës së Parisit” në kryeqytet.
Siç mund të shihet dhe te video e mëposhtme, autorët kanë qenë në ndjekje të BMW X6 të bardhë me targa AA888OH të cilën lëvizte viktima dhe sapo 40-vjeçari ndalon pranë hyrjes së një qendre tregtare, ata janë afruar dhe nga xhami i pasmë i mjetit të tyre qëllojnë me breshëri. Makina e viktimës, pasi përplaset me makina të tjera para, përfundon në trotuar.
Pas ekzekutimit, autorët largohen duke u kthyer mbrapsht nga rruga që erdhën, për shkak se përpara e kishin të bllokuar me mjete të tjera dhe nuk mund të lëviznin dot me shpejtës. Makina e autorëve u gjet e djegur disa minuta më vonë pas atentatit në Prezë të Vogël së bashku me armën e krimit brenda.
Pista ku po heton policia për identifikimin dhe kapjen e autorëve është ajo e të kaluarës së Hekuran Billës, i cili 14 vite më parë ka ekzekutuar bashkëkombasin e tij Prel Marku në Angli./En.Br./Fjala.al
