Pas përfundimit të mbledhjes së Komisionit të Reformës Zgjedhore deputeti i opozitës së re, Ralf Gjoni, u shpreh se ai është për lista të hapura dhe ndryshim të sistemit, duke theksuar se do i qëndrojë deri në fund.
Gjoni shtoi se nuk mund të tradhtojë 50 mijë qytetarë që kanë firmosur peticionin për lista të hapura dhe për këtë gjë do luftojë me forcë.
Fjala e plotë
“Unë kam shprehur opinionin tim si anëtar i komisionit që këshilli politik është një entitet ekstra institucional dhe që nuk mund ta marrim do parasysh në komisionin e reformës zgjedhore. Shteti funksionon përmes institucioneve dhe procedurave.
Jam propozues zyrtarisht i projektligjit për ndryshimi ne sistemit zgjedhor dhe për listat e hapura mbështetur nga një peticion me firmat e 50 mijë qytetarëve. Kjo kërkesë, kjo aspiratë e shqiptarëve nuk është trajtuar në këshillin politik. Para atyre 50 firmave nuk mund të vendos firmat në këshillin politik.
Këta deputetë janë shumë më seriozë se deputetët që ishin. Brenda 1 viti kemi treguar se kemi ndryshuar gjithë rrjedhën e debatit”
Bo.Ba
