Thashethemet e zhurmshme të tregut të futbollit që vijnë nga Spanja për të ardhmen e Cristiano Ronaldo janë sugjestionuese, por vetëm kjo verë do të tregojë nëse janë të vërteta. Sipas gazetarit AS, Manolete, Chelsea do të ishte gati të vinte dorën në “portofol” për të rikthyer CR7 në Premier League.
Në detajet e ofertës, për të rrëmbyer fenomenin portugez nga Juve, Blues do të zyrtarizojnë këtë verë një ofertë maksimale prej 120 milionë Paundësh. Kjo shifër e rëndësishme mund të bëjë bardhezinjtë mendohen e të finalizojnë marrëveshjen, sidomos pas emergjencës së Coronavirus. Duke shitur CR7, Juventus do të mblidhte para të nevojshme për tu riinvestuar në treg, duke e çliruar veten nga një angazhim shumë i rëndë.
Si në aspektin teknik ashtu edhe ekonomik akordi është i realizueshëm. “Portugezi jetoi momentet e tij më të mira në Madrid në futboll dhe tani është koha për të ndryshuar “ajrin” dhe për të fituar diçka, diku tjetër jo në Torino”, shkruan Manolete, duke lëshuar bombën në treg. Zhvillimet priten… a do konfirmohen apo jo, kjo mbetet për tia lënë temperaturave të larta të verës.
