Me rihapjen graduale të kinemave në mbarë botën pas muajve të tërë në izolim për shkak të pandemisë, një prej filmave më të pëlqyer e kritikuar në të njëjtën kohë, prodhuar në 2019-ën, po vendos një rekord të ri për nga arkëtimet.
“Gra të vogla”, një përshtatje e novelës së dashur të Luisa May Alcott, po arrin shumën 100 milionë dollarë, nga arkëtimet ndërkombëtare. Filmi, i shkruar dhe me regji të Greta Gerwig, ka fituar vetëm gjatë fundjavës që sapo kaloi, në 13 tregje të huaja, 760 mijë dollarë, sipas Variety, me një total në mbarë globin prej 99.5 milionë dollarë.
Pjesa më e madhe e arkëtimeve gjatë kësaj fundjave erdhën nga Japonia, ku drama siguroi 495 mijë dollarë, nga shitja e biletave në kinema. Në Danimarkë u arkëtuan 225 mijë dolllarë, në rritje me 15% në krahasim me fundjavën e mëparshme.
Filmi pritej që të shfaqej premierë që prej muajit janar por shumë tregje ndërkombëtare u mbyllën për shkak të shpërthimit të pandemisë Covid-19.
Aktoret protagoniste në film janë Emma Watson, Florence Pugh dhe Eliza Scanlen si motrat e Jo-së, Meg Amy dhe Beth, me Laura Dern që luan rolin e nënës së tyre dhe Bob Odenkirk që luan atë të të atit të 4 motrave.
Arkëtimet deri tani e kanë kapërcyer me disa fish, buxhetin e shpenzuar për realizimin e filmit, për 40 milionë dollarë. Filmi është nominuar për 6 çmime Oskar, përfshirë këtu regjia më e mirë, edhe pse fitoi vetëm 1, atë për dizajnin e kostumografi-në më të mirë.
Filmi ka nisur të transmetohet në të gjitha formatet e platformat digjitale nga 7 prilli, në mungesë të kinemave./Re.Gu/Fjala.al
