Portieri i njohur latin në radhët e Galatasaray, Muslera u përplas me futbollistin Skoda të Rizespor gjatë një ndeshje kampionati turk dhe vuajti një dëmtim shokues.
Fernando Muslera, ish portieri i Lazios, i cili mbron sot portën e gjigantëve nga Stambolli dhe kombëtaren e Uruguajit iu desh të linte fushën gjatë gjysmës së parë të ndeshjes së kampionatit kundër Rizespor për një frakturë të dyfishtë. I transportuar me urgjencë në një ambulancë, ai vuajti dy thyerje pas një përplasjeje në lojë. Sipas të gjitha gjasave, ai do të jetë në gjendje të kthehet në fushë vetëm në vitin 2021 pasi gjendja fizike është e keqe.
Galatasaray, i treti në Super Ligë pas dyshes kryesuese të formuar nga Trabzonspor dhe Basaksehir, ishte në skenë ndaj Rizespor në raundin e 27-të. Në minutën e 15 përplasja e dhunshme midis portierit dhe Milan Skoda, sulmuesi çek i Rizespor solli dhe dëmtimin. Muslera u mor nga fusha në një barelë dhe u shtrua menjëherë në spital. Galatasaray humbi ndeshjen 2-0, duke rrëshqitur në -6 nga kreu dhe duke kompromentuar shanset për të fituar kampionatin.
