Kur luheshin ende 88 minuta, Laçi e shihte veten brenda zonës që të kualifikon në Europa League, dhe me një fitore ndaj një rivali direkt për renditjen, pro jo për Europën. Por atëherë kur nuk e prisnin, kurbinasit u dorëzuan në një barazim 1-1 ndaj Skënderbeut në Korçë, një ndalesë që ndan pikët dhe mban Laçin të katërtin.
Barazimi i vulosur në stadiumin e Korçës ishte një përballje e luftuar fort, që fillimisht regjistroi kurbinasit të parët në avantazh me anë të golit të Shehut. Penalltia e akorduar në minutën e 7 ishte një rast ku miqtë nuk tradhtuan. Por me fitoren që e mendoi të sigurt, ekipi kurbinas lëshoi në prapavijë duke i dhënë vendasve mundësinë e barazimit në të 88 me Krasniqin. Përfundimisht 1-1. Skënderbeu është i treti me 48 pikë, dhe Laçi me dy pikë më pak.
