Barbra Streisand ka blerë aksione të kompanisë së famshme “Disney” në emër të vajzës 6 vjeçare të George Floyd, Gianna.
Përmes një postimi në “Instagram”, Gianna tregoi edhe certifikatën e aksioneve në emër të saj, teksa falënderoi aktoren e famshme 78 vjeçare për gjestin e saj vërtet të këndshëm.
“Faleminderit Barbra Streisad për këtë dhuratë, tani unë jam një aksionere e “Disney-t” falë teje” shkroi 6 vjeçarja.
Më herët, edhe Universitetit i Houston, Texas tha se Gianna dëshiron që të ndjekë studimet atje, ndaj siguruan një fond të plotë për ti mundësuar asaj shkollimin atje. Edhe reperi amerikan, Kanye West tha se po krijon një plan financimi për edukimin e shkollimin e Gianna Floyd, në mënyrë që ajo të arsimohet ku të dëshirojë në të ardhmen.
Gianna është vajza e të ndjerit George Floyd, 46 vjeçarit që humbi jetën pasi polici Derek Chauvin e ndaloi dhe i vuri këmbën në fyt, derisa ai humbi jetën pasi e kishte të pamundur të mbushej me frymë./Re.Gu/Fjala.al
