Pas eksperiencës së mirë me shqiptarin Eros Grezda që nuk la shenjë me fanelën e bluve të Skocisë, Glasgow Rangers kanë avancuar bisedimet për një tjetër talent tronin. Gjigantët skocezë po mendojnë marrëveshjen me skuadrën e Hibernians për Florian Kamberi, një futbollist që për shkak të krizës së pandemisë tani mund të sakrifikohet nga klubi, për të përmirësuar financat.
Glasgow Rangers raportohet se po monitorojnë situatën e sulmuesit të “Hibs”, Florian Kamberi me klubin e Ibrox duke kërkuar një çmim të volitshëm. 150 mijë Paund ishte oferta fillestare që është refuzuar. Aktualisht Florian Kamberi është në huazim te Rangers por kjo skadon këtë verë. Hibs tani janë të gatshëm ta lënë Kamberin të largohet nga ekipi për një shumë të denjë që do ti lejojë të bëjnë edhe kursime financiare mes pandemisë Covid-19.
Klubi i Edinburgh konfirmoi se ata duhet të bëjnë “ulje të kostos” të stafit për shkak të një “sforcimi të madh ” në financat e klubit të shkaktuar nga virusi. Daily Record ka raportuar që edhe Hull City ka bërë një ofertë për Kamberin, por Hibs e kanë kthyer pas. Sulmuesi i lindur në Zurich, 25 vjeç, është I vendosur të kthehet në stërvitje me skuadrën e Jack Ross javën e ardhshme, por mbetet të shihet se ku qëndron e ardhmja e tij.
