Një burrë në Indonezi është divorcuar nga bashkëshortja e tij dy ditë pas dasmës, pasi kuptoi se gruaja e tij ishte burrë. Muhamed, 31-vjeç kishte rreth një muaj që ishte njohur në Facebook me një person që i kishte thënë se quhej Mita.
Pas mesazheve në Facebook, dyshja u takua dhe pas disa takimeve Muhamed ra menjëherë në dashuri me të. Pas disa takimesh ai i propozoi për martesë dhe ajo pranoi menjëherë.
31-vjeçari përgatiti një dasmë madhështore me tradita indoneziane dhe shumë njerëz ishin ftuar në dasmë.
Natën e parë të martesës Muhamed nuk dyshoi kur Mita e refuzoi të kryente marrëdhënie seksuale, por ditën e dytë Mita refuzoi sërish. Kjo gjë e bëri Muhametin të dyshonte dhe menjëherë ai e vërtetoi se gruaja me të cilën ishte martuar ishte në të vërtetë një burrë. Ndërkohë mbetet ende e paqartë se si Muhamed e mësoi këtë gjë.
Por kur u rikthye në shtëpi për të pyetur Mitën për dyshimet e tij, ‘ajo’ e kishte braktisur. Martesa e Muhamed dhe Mitës është renditur si martesa më e shkurtër e regjistruar në rajonin West Lombok të Indonezisë./Re.Gu/Fjala.al
