Edhe aktori Mirush Kabashi është jashtë nismës për ndryshimin e sistemit por jo se është dakord me sjelljen e politikës.
Ai nuk nguron të thotë mendimin e tij ndaj Reformës Zgjedhore. Në takimin e shoqërisë civile Kabashi shprehu pikëpamjet e tij për shoqërinë e demokracinë.
Fjala e plotë
“Reforma elektorale, ne deri tani kemi diskutuar se si t’i vjedhim votat ose si ti ruajmë nga armiku po ti vjedhim ne, domethënë brenda familjes së politikës. Po kush e ka bërë, kush e ka futur këtë element në sistemin politikë, kush e futi? Vetë partitë politike. Dhe e kanë perfeksionuar deri në këtë formë sa sot nuk po arrijmë dot t’ia gjejnë zgjidhjen”, është shprehur Kabashi. Shoqëria shqiptare është si një anije e cila nuk ka busull dhe nuk ka një destinacion.
Mos thotë njeri që kemi demokraci, ku është e shprehur?” ka thënë ndër të tjera aktori. Të njëjtat ministra apo nipat, mbesat, me të njëjtat vetura, me të njëjtët shoferë, do të drejtojnë të njëjtat ministri. Po si kështu, fitimtarët fitimtarë, e të mundurit të mundur në përjetësi? Ah jo! Në qoftë kështu mos ardhsh kurrë oj demokraci! Dhe më duket se drejt këtyre vargjeve, si profet më duket Bardhyl Londo, drejt këtyre ne po shkojmë nëse do të vazhdohet kështu. Do të formojmë edhe diktatorë të rinj”, është shprehur më tej ai.
Sakaq Kabashi në fund të fjalës së tij recitoi disa vargje nga një ish-i përndjekur.
Bo.Ba/fjala.al
