Ka ndërruar jetë në spital drejtuesi i motorit i cili u përplas mesditën e sotme nga një makinë policie në aksin rrugor Elbasan-Librazhd.
Lajmi konfirmohet nga burime zyrtare ku bëhet me dije se viktima është shtetasi K.M., 65 vjeç, banues në Elbasan.
Ai u transportua menjëherë pas aksidentit me urgjencë në spitalin Rajonal të Elbasanit por nuk ka arritur dot t’iu mbijetojë plagëve të marra.
Ndërkohë mësohet se grupi hetimor ndodhet në vendngjarje dhe po punon për zbardhjen e shkakut të aksidentit./En.Br./Fjala.al
