Institucione të rëndësishme janë kthyer në vatër infeksioni për Covid-19 menjëherë pas rihapjes. Bëhet me dije se Materniteti i Vlorës është kthyer në një vatër të re e Covid-19, duke bërë që stafi mjekësor të futet në karantinë.
Ndërkohë në Durrës bëhet me dije se gjatë 24 orëve të fundit janë konfirmuar 6 raste të reja me Covid-19, ku dy persona të infektuar janë pjesë e stafit mjekësor, ndërsa 4 të tjerët janë kontakte të mëparshme.
Gjithashtu një vatër e re duket se është shfaqur në qytetin e Elbasanit, një rast me Covid-19 është konfirmuar 24 orët e fundit. Bëhet me dije se personi i infektuar është jurist në univeristetin “Aleksandër Xhuvani”.
Kujtojmë se ditën e djeshme janë konfirmuar 50 raste me Covid-19. Ndërkohë që harta është zgjeruar në qytetin e Shkodrës me 12, në Tiranë me 11, në Vlorë me 7, në Krujë me 6, në Korcë me 5, në Durrës me 4, dhe nga 2 raste në Pukë e Kurbin./Re.Gu/Fjala.al
