Grupi Mediatik “FJALA” ka siguruar foton e 22-vjeçarit Sebastian Mali të arrestuar sot lidhur me atentatin ndaj Hekuran Billës, ngjarje kjo e ndodhur më 11 qershor të këtij viti te zona e “Komunës së Parisit” në kryeqytet. Mali akuzohet si bashkëpunëtor për ngjarjen në fjalë dhe është nipi i Prel Markut të ekzekutuar nga Hekuran Billa në vitin 2006 në Angli.
Para grupit hetimor, mësohet se ai ka mohuar akuzat se ka qenë i përfshirë në vrasjen e Billës, por sipas burimeve zyrtare, në cilësinë e provës materiale janë sekuestruar 3 automjete dhe një sërë provash të tjera materiale, me të cilat dokumentohet implikimi i këtij shtetasi në këtë ngjarje.
Mbi 22-vjeçarin Sebastian Mali rëndojnë akuzat për veprat penale “Vrasja për gjakmarrje”, e kryer në bashkëpunim dhe ”Armëmbajtja pa leje”./En.Br./Fjala.al
